Ginmanduan ni Presidente Rodrigo Duterte ang mga local government officials nga mag-assign sang hotels kag inns sa ila tagsa ka mga lugar nga mahimo magamit bilang quarantine facilities.
Suno kay Duterte, may yara subong sang kakulang sang quarantine facilities ilabi na para sa mga tawo nga nagahulat sang resulta sang ila swab test para sa COVID-19 ukon para sa mga asymptomatic kag indi na kinahanglan pa nga dal-on sa ospital.
Pahayag sang presidente, indi man mahimo nga ibutang ang tawo nga nagpa-test lang sa ospital bangud delikado ini para sa iya.
Nag-apelar man si Duterte sa mga tag-iya sang hotels kag inns amo man sa mga motels nga magkooperar sa gobyerno kag pahanugutan nga gamiton ang establisimento bilang quarantine facilities sa diin ginpahayag sang presidente nga mabaydan ang mga ini ‘on time’.
