Ginpataas sa P5 million ni Presidente Rodrigo Duterte ang padya para sa makatudlo buhi man ukon patay ang mga nagluthang sa apat ka mga kapulisan sa Ayungon, Negros Oriental.
Ang mga napatay amo sanday Corporal Relebert Beronio, Patrolman Raffy Callao, Patrolman Ruel Cabellon kag Patrolman Marquino de Leon, lunsay mga intelligence personnel sang 704 Mobile Force Company sang Regional Mobile Force Battalion sa Central Visayas.
Ang apat ka mga pulis ang gin-ambush kag gina-alegar gin-tortured sang mga suspected New People’s Army.
Sa nangin pahayag ni Philippine National Police chief Police General Oscar Albayalde sang tinalikdan nga semana, indi magnubo sa 11 ka mga suspek ang brutal nga nagpatay sa mga police intelligence officers.
Nahibaluan nga sang Sabado gid lamang, ginluthang-patay naman ang anay alkalde sang Ayungon nga siEdsel Gimang Enardecido amo man ang iya pakaisa nga si Leo Enardecido.
