ILOILO CITY- Gintawag ni Presidente Rodrigo Duterte nga inutil ang iya kaugalingon sa tunga sang ginapangatubang sang pungsod nga Coronavirus disease 2019 pandemic.
Sa ginpatigayon nga bress briefing sa Malacañang , iya ginpahayag nga sa sulod sang pila ka bulan, halos napreso ini kag kaangay nga wala siya sang may nahimo magluwas sa pag-atender sa nagatinangkas nga mga papeles.
Suno sa presidente,nahadlok man ini bangud sa tion nga may maimbento nga bakuna batok sa virus, mahimo nga indi masarangan sang pungsod nga gastuhan ang kapin 110 million ka mga tawo para mapainom sang bulong ukon bakuna.
Apang sa pihak sini, nagasalig ang presidente nga indi pagpabay-an sang Diyos ang Pilipinas sa tunga sang ginapangatubang nga krisis.
