Nagboluntaryo si Presidente Rodrigo Duterte nga ihatag ang iya nga slot para sa pagpabakuna sang COVID-19 vaccine sa sin-o man nga may luyag nga magpabakuna.
Suno kay Presidente Duterte, indi siya prayoridad sa local immunization program batuk sa COVID-19.
Mas maayo pahayag niya kun unahon ang mga tawo nga may tyansa pa nga mabuhi.
Matandaan nga sang Enero, ginpahayag ni Presidential Spokesman Atty. Harry Roque nga mas luyag sang presidente nga mabakunahan “in private” bangud ang iya alatrasan amo ang mangin injection site.
Apang ginbawi naman ini ni Roque sang Pebrero sa diin iya ginpahayag nga luyag naman ni Duterte nga magpabakuna sa atubang sang publiko.
