ILOILO CITY – Kumpirmado na ang pagtambong ni Presidente Rodrigo Duterte sa opening ceremony sang Palarong Pambansa 2017 sa Abril 23 sa probinsiya sang Antique.
Sa interview sang Bombo Radyo Iloilo, ginpahayag ni Atty. Arthur Lastimoso, chairman sang local organizing committee sang Palarong Pambansa 2017, nga kahapon nagpatigayon na sang inspeksyon sa venue ang mga katapo sang Presidential Security Group (PSG) kag Presidential Management Staff (PMS).
Duha ka oras nga magatinir ang Presidente sa Antique para sa pormal nga pagbukas sang national sporting event.
Suno kay Atty. Lastimoso, may espesyal nga request man si Presidente Duterte kadungan sang pagtambong sini sa opening ceremony.
Luyag sang Presidente nga sa paghatag niya sang speech, sa atubang gid sini ang mga atleta nga magapasakop sa 60th Palarong Pambansa.
Ginpabugal naman sang local organizing committee nga sa sulod sang isa ka semana sumugod sang nag-abot ang una nga batch sang delegates, wala pa sang insidente nga na-record may kaangtanan sa Palarong Pambansa.
Pres. Duterte, kumpirmado na ang pagtambong sa opening sang Palaro 2017
Serbian police, gumamit ng ‘teargas’ para itaboy ang mga ‘anti-government protesters’
Gumamit ng teargas at stun grenades ang pulisya sa Serbia upang ipagtabuyan ang libu-libong nagpoprotesta sa unibersidad sa Novi Sad na nananawagan ng snap...
