Gindeklara na ni Presidente Rodrigo Duterte ang iya intensyon nga magapadalagan sa pagka-bise presidente sa 2022 elections.
Suno sa Presidente, dapat na siya nga ikonsidera sang publiko bilang kandidato sa ika-duha sa pinakamataas nga posisyon sa pungsod.
Pahayag niya, kun magdaog gid man siya sa pagka-bise presidente kag indi niya kaalyado ang presidente, maga-upod na lang siya sa militar kag pulis sa pagpakig-away batuk sa kriminalidad, droga kag iban pa.
Libuton man sang presidente ang mga ASEAN countries agud nga mapasanyog ang relasyon sang pungsod.
Nahibaluan nga mismo ang mga kaupod sang presidente sa partido nga PDP-Laban ang naga-engganyo sa iya nga magpadalagan bilang bise presidente sa masunod nga eleksyon.
Nahibaluan nga magatakop ang termino ni Duterte sa Hunyo 2022.
