Nagpalab-ot sang pagpakig-unong si Presidente Rodrigo Duterte sa kamatayon ni anay Presidente Benigno “Noynoy” Aquino III.
Suno kay Duterte, matuod nga servant sang mga Filipino si Aquino.
Tion ini pahayag sang presidente nga mag-isa ang mga Filipinos sa pagpangamuyo kag ipahigad anay ang kinalain samtang ginahatagan sang pagtahod ang lider nga naghatag sang iya masarangan agud serbehan ang mga tawo.
Nagapasalamat si Duterte kay Aquino sa iya nga serbisyo sa pungsod kag nagalaum ini nga madamo nga mga Filipinos ang ma-inspired sa legacy sang anay presidente.
Samtang nagdeklara si Presidente Duterte sang 10-day period of mourning para kay anay Presidente Aquino.
Ginpirmahan ni Duterte ang Proclamation No. 1169 nga nagadeklara sa Hunyo 24, 2021 tubtob Hulyo 3, 2021 nga Period of National Mourning.
Ang hayahay sang Pilipinas sa pungsod man ukon abroad ang nagakadapat nga nakahalf-mast humalin sa pagbutlak tubtob sa pagtunod sang adlaw.
Ginpasalamatan naman sang utod sang anay presidente nga si Kris Aquino si Presidente Duterte kag iya mga Cabinet members sa pagpalab-ot sang pagpakig-unong sa ila nga pamilya.
