Nagpasalig si Presidente Rodrigo Duterte nga may yara sang full investigation nga patigayunon sa pagpatay sang mga pulis sa apat ka mga soldado sa Jolo, Sulu.
Nagpadulong si Duterte sa Zamboanga City agud siguraduhon ang impartial investigation sa insidente nga natabo sa tunga sang mga soldado kag pulis.
Suno kay Presidente Duterte, ginasiguro niya nga maguwa ang kamatuoran sa natabo.
Kun sin-o man ang mapamatud-an nga may sala pahayag niya, ang kinahanglan nga magbayad.
Sa subong, ginatun-an na sang National Bureau of Investigation ang kaso nga gintawag sang pulis bilang “misencounter”.
Base sa bahin sang kapulisan, gina-alegar nga nagpalagyo sa checkpoint sa Jolo ang mga soldado kag gintutukan pa sila sang armas rason nga ila na ini gin-unahan palupok bilang depensa.
Gintawag naman ni Philippine Army chief Lt. Gen. Gilbert Gapay nga “fabricated” kag kaangay nga daw pelikula ang natabo.
