Nanindugan si Presidente Rodrigo Duterte nga indi mahimo isapubliko sang gobyerno ang impormasyon tuhoy sa anti-drug kag anti-insurgency operations.
Ini ang sa pihak sang kahandaan kuntani sang Philippine National Police nga ipakigbahin ang impormasyon may kaangtanan sa 61 ka mga kaso sang drug-related killings.
Apang kagab-i, ginpahayag ni Pres. Duterte nga ang records sang mga napatay nga drug suspects kag myembro sang rebelde nga grupo ang ginakabig nga “confidential.”
Pahayag niya, indi bangud nga may ginatago ang administrasyon sa publiko rason nga indi niya pagpahanugutan nga buksan ang mga kaso kundi isa ini ka security issue.
Suno kay Duterte, mangin siya ang wala man sang access sa records sang mga napatay nga drug lords kag myembro sang New People’s Army.
