MANILA– Gin-athag sang Malacañang nga wala nagbag-o ang pamat-od ni Presidente Rodrigo Duterte sa pag-terminate sang Pilipinas sa Visiting Forces Agreement sa Estados Unidos, apisar ginsuspinde ang pag-istoryahanay may kaangtanan sa nasambit nga kasugtanan.
Suno kay Presidential Spokesperson Harry Roque, wala sang indikasyon nga nagbag-o ang pamat-od sang Presidente.
Sa iya nahibaluan suno kay Roque ginsuspinde lang ang termination, apang plano man sa gihapon nga padayunon ang amo nga lihok.
Ginakilala man sang Presidential Spokesperson nga kinahanglanon sang pungsod ang VFA, partikular na sa subong nga naga-amat-amat na lain ang pattern sang terorismo.
Madumdum nga nagdesisyon ni ang Presidente nga ibasura ang Visiting Forces Agreement sa tunga sang Pilipinas kag sang Estados Unidos, matapos ginkansela sang US ang visa ni Sen. Ronald ‘Bato’Dela Rosa.
