ILOILO CITY – Nagmandu na si President Ferdinand “Bongbong” Marcos Jr. nga magtukod sang inter-agency task force agud nga maghanda kag mag-coordinate sa tanan nga tikang sang gobyerno para sa FIBA Basketball World Cup 2023.
Sa idalom sang Administrative Order No. 5, ang task force ang dapat nga pamunuan sang Philippine Sports Commission, kag sang mga pinuno ukon designate representatives nagikan sa mga masunod nga ahensya:
Department of Foreign Affairs
Department of Health
Department of the Interior and Local Government
Department of Public Works and Highways
Department of Tourism
Department of Transportation
Bureau of Customs
Bureau of Immigration
Philippine National Police
Metropolitan Manila Development Authority
Ang mga local government units, non-government organizations, kag pribado nga sector ang gina-enganyo nga magpakigbahin kag suportahan ang pagpanghanda para sa FIBA Basketball World Cup 2023.
Ang pondo nga gamiton sa pagpatuman sang order ang kuhaon sa available appropriations sang mga ahensya.
Ang Samahang Basketbol ng Pilipinas ang naglunsyar na sang volunteer program para sa 2023 FIBA World Cup.
