Ginmando ni President Ferdinand “Bongbong” Marcos Jr. ang pagpataas sang subsistence allowance sang military personnel sang Armed Forces of the Philippines (AFP).
Sa Executive Order No. 84 nga ginpirmahan ni Executive Secretary Lucas Bersamin, ginsiling sang presidente nga ang subsistence allowance ang himuon nga P350 per day halin sa P150, epektibo Enero 1, 2025.
Ang nasambit nga allowance increase ang para sa AFP officers kag enlisted personnel.
Sakop man diri ang trainees kag probationary second lieutenants/ensigns nga nagapaidalom sa military training, Citizen Military Training cadets sa summer camp training kag reserve officers kag enlisted reservists nga nagapaidalom sa training kag assembly/mobilization test, Citizen Armed Force Geographical Unit, kag cadets.
