Ginpakakas na sa pwesto ni President Ferdinand Marcos, Jr., ang principal nga nagpa-uba sang toga sa ila mga estudyante sa ila End-of-School-Year (EOSY) rites sang Abril 15 sa Col. Ruperto Abellon National School (CRANS) sa Laua-an, Antique.
Suno kay Presidential Communications Office (PCO) Undersecretary and Palace Press Officer Atty. Claire Castro, ang Presidente mismo ang nagmando kay Department of Education Secretary Sonny Angara nga pahalinon sa pwesto si Venus Divinia Nietes kasunod sang ginhimo sini nga kontrobersiya.
Gin-athag man ni Castro nga wala ginkakasan sang lisyensya bilang manunudlo si Nietes.
Matandaan nga mismo si Laua-an, Antique Mayor Aser Baladjay ang nagpanawagan sa Department of Education nga pangitaan na sang paagi agud nga mapahalin ang kontrobersyal nga si Nietes.
Sang Septyembre 2023, sang siya ang principal sang Laua-an National High School, masobra 500 nga mga estudyante kag kapin 20 ka mga manunudlo ang nagpatigayon sang hublag-protesta sa atubang mismo sang agud ipabutyag ang ila disgusto sa pagdumala ni Nietes bangud sa ginaalegar pagpang-bully, pagpamahog kag pag-abuso sa iya posisyon.
