Nagtambong si President Ferdinand R. Marcos Jr. sa signing sang alliance agreement sang tunga sang Partido Federal ng Pilipinas (PFP) kag Lakas-Christian Muslim Democrats (Lakas-CMD) nga ginhiwat sa Manila Polo Club, Makati City.
Ang seremonya ang may tig-ulo nga ‘Alyansa para sa Bagong Pilipinas,’ nga may tuyo nga magpakita sang dedikasyon kag kolaborasyon sa mga tikang, plano,kag aktibidad nga makapasanyog sang pangabuhi sang mga Filipino.
Suno kay Marcos, ang alyansa ang isa ka konseptwalisasyon sang “Unity” agud magtukod sang mas mabaskog nga relasyon sa duha ka mga partido.
Ginpahayag man ni Marcos nga ang alyansa ang magabulig sa pagpatuman sang mga plano kag tikang sang administrasyon sa diin may core mission nga mapabatyag sa mga Filipino ang accessible nga kag komprehinsibo nga pagsanyog.
Nahibaluan nga ang Partido Federal ng Pilipinas (PFP) ang ginlunsyar sang 2018 samtang ang Lakas-CMD naman ang nangin isa sa pinakadako nga Partido sa House of Representatives kasunod sang 2022 elections.
Ginalantaw man sang duha ka alyansa nga mabag-o ang pagdumala sang administrasyon ni Marcos nga may panibag-o nga approach kun ikumpara sang anay administrasyon sang 2019.
