ILOILO CITY – Indi anay maghatag sang komento si President Ferdinand Marcos, Jr. may kaangtanan sa gin-report nga may yara sang plano nga pahalinon si House Speaker Martin Romualdez.
Sa speech sang presidente sa League of Provinces of the Philippines 4th General Assembly sa Pampanga kun sa diin yara man si Romualdez, ginpahayag ni Marcos nga indi siya anay maghatag sang komento may kaangtanan sa speakership.
Ini ang kasunod sang naggwa nga impormasyon nga nagaplano si former president kag Pampanga 2nd District Rep. Gloria Macapagal Arroyo nga pahalinon House Speaker Martin Romualdez.
Ang ini nga huring-huring ang ginpanginwala sang anay presidente.
Antes ang pahayag sang presidente, si Arroyo ang gin-demote sa Deputy Speaker nagikan sa Senior Deputy Speaker.
Sa foreign trips sang presidente, ginlaragway niya si Arroyo nga “secret weapon” niya.
Si Romualdez naman ang pakaisa sang presidente.
