𝗠𝗔𝗡𝗜𝗟𝗔 —Nag-issue si President Ferdinand “Bongbong” Marcos Jr. sang mando nga naga-isol sang non-working holiday sa pag-obserbar sang Ninoy Aquino Day sa Biyernes, Agosto 23, 2024 imbes nga Miyerkules, Agosto 21, 2024.
Sa Proclamation No. 665, ginpahayag ni Marcos nga ang amo nga tikang nagatuyo nga maghatag sang mas malawig nga weekend nga magapromote sang domestic tourism.
Ang pagbalhin sang non-working day para sa pagmarka sang martyrdom ni anay Senador Benigno “Ninoy” Aquino Jr. halin sa Agosto 21, Miyerkules, pa-Augusto 23, Biyernes, magahimo sang apat ka adlaw nga weekend para sa publiko.
Nahibaluan nga ang katapusan nga Lunes sang Agosto, nga amo sa Agosto 26, ang isa man ka National Heroes’ Day, isa man ka regular nga holiday.
Ginpahayag man ni Marcos nga agud maghatag sang mas malawig nga weekend kag magpromote sang domestic tourism, ang pagselebrar sang Ninoy Aquino Day mahimo nga ibalhin halin sa Agosto 21, 2024 (Miyerkules) pa-Augusto 23, 2024 (Biyernes), agud nga mapabilin ang historical significance sang Ninoy Aquino Day.
Ginhatagan man ni Marcos sang mando ang Department of Labor and Employment (DOLE) nga magpagwa sang angay nga circular para sa pagpatuman sang proclamation para sa pribado nga sektor.
