ILOILO CITY – Liwat nga nagpanawagan si President Ferdinand “Bongbong” Marcos Jr. sa Kongreso nga magpasar sang isa ka national land use policy.
Suno kay Marcos, siguraduhon niya nga ini nga layi ang hatagan sang nagaka-igo nga pagtamud.
Una nga gin-propose sang presidente ang pagpasar sang amo nga layi sa iya State of the Nation Address sang Hulyo.
Pinaagi sa isa ka physical framework plan, ang tanan nga mandato kag polisa sa land use ang dapat nga i-integrate humalin sa mga watersheds padulong sa farm lands, sa cultural heritage sites padulong sa ancestral domains, kag kan sa protected disaster-prone areas.
Dugang pa sang presidente, ang mga local government units ang dapat nga magpasiguro nga ang ila tagsa ka physical kag land use plans ang nagasantu kag mangin consistent sa national plan.
Sang Lunes, gin-aprubahan sang House of Representatives sa third and final reading ang ginaduso nga National Land Use Law nga wala nagalakip sa total ban sang conversion sang agricultural land para sa food production.
Ginpasalamatan man sini ang Kongreso sa nagakaigo nga pagtamud sa nasambit nga hagna.
