Nagpaandam si President Ferdinand Marcos Jr. batok sa mga korap nga opisyal kag indibidwal nga padayon nga nagaabuso sang ila poder, sa iya mensahe kahapon sa selebrasyon sang National Heroes Day sa Libingan ng mga Bayani.
Suno sa Presidente, ang korapsyon indi lamang pagpangawat sang kwarta sang pungsod kundi isa man ka porma sang pagkuha sang kabuhi kag handum sang mga kabataan kag sang bug-os nga pumuluyo.
Ang kampanya batok sa korapsyon indi lamang responsabilidad sang gobyerno kundi obligasyon sang tagsa ka indibidwal.
Nagpanawagan man ini nga dapat magbinuligay ang tanan sa pagpakig-away sa abuso kag paglapas sa katungdanan sang tawo.
Gin-emphasize man ni Marcos ang importansya sang paggiya sa kabataan, agud mangin masanag ang ila panan-aw sa mga isyu sa palibot kag mangin aktibo sa pagpangabuhi nga may integridad.
Ginsiguro man sang Presidente nga padayon ang kampanya sang gobyerno batok sa korapsyon, tubtob nga may yara pa sang mga elemento nga nagapatiko sang hustisya kag nagaabuso sang poder.
