Wala sang agreement nga ceasefire sa Ukraine matapos ang tatlo ka oras nga meeting nanday US President Donald Trump kag Russian President Vladimir Putin sa Joint Base Elmendorf-Richardson sa Alaska.
Apang, pareho nga gintawag nga “extremely productive” ang summit, ginsiling ni Trump sa media: “There’s no deal until there’s a deal.”
Nag-warning man ini sang mabug-at nga economic sanctions ang Russia kun padayon nga indi magpati si Putin sa ceasefire.
Wala gin-imbitar sa sinapol si Ukrainian President Volodymyr Zelenskyy, bagay na ginakabalak-an sang mga kaalyado sa Europa.
Samtang nagapatigayon sang summit, na-report ang bag-o nga drone strikes sang Russia sa Ukraine nga ginkamatay sang pito ka mga sibilyan kag pagkasamad sang 17 ka mga indibiwal.
Sa subong, nagapadayon nga wala sang agreement tuhoy diri.
Padayon ang tension sa rehiyon samtang ginahulat ang mga masunod nga tikang sang mga lider.
Nagtipon naman ang mga pro-Ukrain demonstrators sagguwa sang base dala ang mga placard nga “Alaska Stands With Ukraine”.
Naghiwat man sang emergency virtual summit ang mga lider sang Estados Unidos bag-o ang sinapol agid igaduso nga indi dapat ibaliwala ang Ukraine sa negosasyon.
