Gin-athag sang eksperto sa layi nga dako ang katungdanan ni Former President Rodrigo Duterte sa pagpatuman sang imbetigasyon sang Senate Blue Ribbon sa ‘war on drugs’.
Sa interview sang Bombo Radyo kay Atty. Domingo Oso, Jr., Bombo Abogado, iya ginpahayag nga ang presensya sang anay presidente sa senado ang magadala kontani sang kasanagan sa kontrobersyal nga war on drugs sang administrasyon ni Duterte.
Suno kay Oso, ang tinutuyo kontani sang hearing ang mapasabat ang responsable sa likod sang extra judicial killings.
Nagapati man ini nga napakita ni Duterte sa hearing ang iya concern sa mga ordinaryo nga Filipino kag ang iya commitment sa war on drugs.
Ginsaysay man sang natungdan nga apisar sang lapses sang anay presidente sa pagpatuman sang nasambit nga tikang, napakita niya sa gihapon ang iya passion sa pagpakig-away batok sa iligal nga druga.
