ILOILO CITY–Namonitor na nga daan sang Leon PNP ang presensya sang New People’s Army (NPA) sa Brgy Carolina, Leon, Iloilo.
Sa interview sang Bombo Radyo kay Police Chief Inspector Cyril Octavio, hepe sang Leon Municipal Police Station, iya ginpahayag nga plano na nga daan sang rebelde ang pag-ambush sa mga tropa sang gobyerno nga magapatigayon sang pagpatrolya sa lugar.
Sunu kay Octavio, ginpahibalo na nila daan ang katapo sang  601st Iloilo Police Provincial Mobile Force Company tuhoy diri.
Ang natabo sunu kay Octavio, gin-unahan nalang nga daan sang  601st Iloilo Police Provincial Mobile Force Company ang mga rebelde kag ang pagpalupok sang landmine sang mga rebelde ang mahimo nga paagi lang agud makapalagyo sila sa kapulisan.
Nagapati naman ang hepe nga luyag lamang sang mga rebelde nga magbalos sa kapulisan matapos nga napatay sa engkwentro sa Brgy. Atatbay, San Jose, Antique ang pito ka mga NPA.
Ginhimo naman nga exit point sang rebelde ang Brgy. Cananaman, Leon, Iloilo padulong sa banwa sang Tubungan, Iloilo.