Planado sang prosekusyon ang ila tikang kun ano nga mga pangalan sa acknowledgment receipts (ARs) ang ipresentar sa impeachment trial ni Vice President Sara Duterte.
Ini ang ginpahayag ni Defense spokesperson Atty. Michael Poa matapos nga ginpangbukad sang prosecution panel kahapon sa trial ang ARs kun sa diin nakabutang ang confidential fund expenditures sang Office of the Vice President.
Sa amo nga mga dokumento nakabutang ang tumalagsahon kag makahalam-ot nga mga pangalan kaangay sang Mary Grace Piattos, Renan Piatos, Nova Santos, Mico Harina, Patty Ting, Sisfrunio Balsac, Andy Lim, kag Alejandro Pikit.
Yara sa 800 ang ARs apang sang ginpamangkot kun ngaa ayhan amo ini nga mga dokumento ang ginpakita, ginpahayag ni Poa nga kalkulado na ini sang prosecution.
Wala man ini sang kaso ukon sala suno kay Poa bangud prerogative man ini sang panel — kaangay sa ila sa defense team nga may kontrol man kun ano ang ila gusto nga ipaguwa sa korte.
“Of course planado kung ano ‘yung ippresent mo, but let’s not cast aspersions also against prosecution pagdating doon, syempre strategy nila ‘yon and it’s within their prerogative kung aling ARs,” suno kay Poa sa press conference.
Dugang sini: “Kahit naman sa defense, kung ano ‘yung ilalabas namin in a random stack syempre full control na rin kami kung ano ilalabas namin.”
Kahapon, nag-object si Poa samtang ginapresentar ni House private prosecutor Atty. Lorna Kapunan ang amo nga mga dokumento sa trial.
Sang amo nga tion, ginabasa ni Kapunan ang mga pangalan nga “Andy Lim” kag “Alejandro Pikit” nga yara sa ARs.
“Kung merong Andy Lim, siguro dahil Pikit,” suno kay Kapunan.
Nagreklamo si Poa bangud daw kaangay suno sa iya nga ginahatagan sang iban nga color ukon kahulugan ang istilo sang pagbasa sang dokumento.
Sa press conference, ginpaathag naman ni Poa nga ginahimo lang niya ang iya obligasyon bilang counsel.
“Although she stated for the record na she was just reading how it was written, but to me kasi ang dating sa’kin is nabibigyan ng kulay,” suno kay Poa. “Of course no offense meant to Atty. Kapunan, I’m just doing my job as counsel and I found the question to be questionable.”
