𝗠𝗔𝗡𝗜𝗟𝗔 — Ginbasura ni President Ferdinand ”Bongbong” Marcos Jr. ang rekomendasyon sang National Maritime Council nga maglatag sang schedule agud nga magpatuman sang regular rotation and resupply (RORE) missions sa Ayungin Shoal.
Suno kay Executive Secretary Lucas Bersamin, wala siya sang problema nga nakita sa pag-anunsyo sang regular rotation and resupply,sa diin, magapabilin ini nga routinary kag naka-schedule regularly.
Ginpahayag naman ni Defense Sec. Gilberto Teodoro Jr., nga padayon nga ipakigbato sang gobyerno kag depensahan ang teritoryo agud nga mapabilin ang soberanya sang Pilipinas.
Nahibaluan nga ang pagsinapol sang National Maritime Council ang ginpatuman matapos nga ginmandu-an ni Pres. Marcos ang mga cabinet secretaries nga diskusyonan ang natabo nga insidente sa Ayungin Shoal sang nagligad nga Hunyo 17.
Ginhatagan naman ni Marcos sang pasidungog ang mga Filipino serviceman nga nasamaran agud ipakita nga ang ila binuhatan ang isa ka akto sang baganihan apisar pa sa agresibo nga pagpang-atake sang Chinese Coast Guard (CCG).
