ILOILO CITY — Ginhingyo ni President Ferdinand Marcos Jr. ang mga kapulisan sang pungsod Pilipinas nga pasangkaron ang pagsalig kag kredibilidad sa mga Filipino paagi sa pagpakigbahin sa komunidad nga ila ginaserbisyohan.
Suno kay Marcos, apisar sang mga high-tech equipment sang gobyerno para sa mga pulis, isa gyapon ka epektibo nga tikang kun masaligan ang mga nagapatuman sang layi.
Ginpahayag man ni Marcos nga isa sa mga makabulig sa pagbalik sang kredibilidad sang kapulisan amo ang presensya nila sa komunidad kaupod ang mga pumuluyo.
Gin-athag man sang presidente nga dako nga bulig sa pagbalik sang salig sang mga Pinoy sa pulis ang pagpakig-upod sa ila.
Matandaan nga ang pagpang-enganyo ni Marcos sa otoridad ang kasunod sang paghiwat sang labing-una nga Joint National Peace and Order Council (NPOC) and Regional Peace and Order Council (RPOC).
Natuon ang diskusyon sa national security issues, West Philippine Sea, territorial disputes, communist terrorist groups, kag sa drug war.
Suno sa National Security Council (NSC), nalakip man sa agenda ang epekto sang global issues kag protracted wars partikular sa safety sang overseas Filipinos, global oil prices nga nagresluta sa shortages kag mataas nga presyo sang mga balaklon, kag sa economic growth targets sang Pilipinas.
Ginpahayag man sang ahensya nga ang padayon nga aktibidad sang China sa West Philippine Sea ang isa ka pagpamahog sa seguridad sang Philippine borders paagi sa obstruction sa Philippine naval operations, harrasment sa Pinoy nga manugpangisda, kag ang paggamit sang koneksyon bilang isa ka paamaagi agud impluwensyahan ang mga Filipino.
Nahibaluan nga kasunod sang insurgency problems, ang security officials ang naka-report sang siyam ka”weakened guerilla fonts” nga may kapin 1,576 nga myembro kag 1,406 nga mga armas-luthang.
