Magatambong si President Ferdinand Marcos Jr. sa Formula 1 Singapore Grand Prix 2026.
Ini nagsugod subong nga adlaw, Oktubre 9, samtang ang una nga race natalana sa Oktubre 11.
Suno kay Palace Press Officer Undersecretary Claire Castro, nagapati ang Presidente nga mas maayo ang face-to-face meetings kaangay sang sini nga event agud makatukod sang maayo nga relasyon upod sa mga negosyante kag iban pa nga mga lider.
Gindugang pa ni Castro nga may mga tion nga sa kaangay sini nga mga okasyon nakakilala si Marcos sang mga importante nga tawo, lakip na si Lee Kuan Yew, ang founding prime minister kag ang iban nga mga lider sa negosyo.
Suno naman kay Ambassador Medardo Macaraig, gin-imbitar si Marcos ni Singaporean Prime Minister Lawrence Wong kag indi na kinahanglan magbayad ang Presidente para sa iya tiket.
May kaangtanan sa mga kritisismo sa pagtambong sang Presidente sa even.
Dugang pa sini nga bisan ano pa ang aktibidad nga ginatambongan ni Marcos, personal man ini ukon para sa kaayuhan sang pumuluyo, nagapadayon gihapon ang iya katungdanan bilang Presidente.
