Ginpangunahan ni President Ferdinand Marcos, Jr. ang pagdumdom sang 83rd Araw ng Kagitingan (Day of Valor) pinaagi sa wreath-laying ceremony sa Dambana ng Kagitingan in Mount Samat National Shrine sa Pilar, Bataan.
Tema subong nga tuig sang aktibidad amo ang ‘Kabayanihan ng Beterano: Sandigan ng Kaunlaran ng Bagong Pilipinas.’
Diri kag ginahatagan sang pagkilala sang Presidente ang nangin papel sang mga beterano sa pag-angkon sang pungsod sang kahilwayan.
Agud hatagan sang pagtamod ang ini nga okasyon, ginpangitayon ang Philippine Veterans Week sa diin nag-umpisa ini sang Abril 5 kag magalawig tubtob Abril 11 sa pagpanguna sang Department of National Defense (DND) kag Philippine Veterans Affairs Office (PVAO) kag iban pa nga ahensya sang gobyerno.
Matapos nagpadulong sa Bataan, nagderetso naman si Marcos sa Camp General Emilio Aguinaldo sa Quezon City.
Diri kag gin-updan sang Commander-in-Chief ang pamilya kag beneficiaries sang Armed Forces of the Philippines (AFP) kag Philippine National Police (PNP) nga ginakabig Killed-in-Action / Killed-in-Police Operation kag Wounded-in-Action/ Wounded-in-Police Operation sa isa ka pagtililipon sa Tejeros Hall.
Sa solemn event, ginhatagan man sang pagkilala ang mga militar, pulis kag mga supports units samtang padayon ang mga ini nga nagahimo sang ila katungdanan agud madepensahan ang estado kag mapabilin ang kalinong kag katawhay sa pungsod.
