ILOILO CITY- Nagpadulong sa Antique si Presidente Ferdinand Marcos Jr. kag nanagtag sang bulig sa mga mangunguma kag manugpangisda nga naapektuhan sang tuman nga tig-ilinit dulot sang El Nino.
Sa iya speech , ginpahayag sang Presidente nga tanan nga ahensiya sang gobyerno ang dululungan nga nagabulig agud alalayan ang mga taga-Antique nga makabutwa gikan sa epekto sang El Nino sa ila palangabuhian.
Ginpahayag sang Presidente nga ginalibot niya ang bilog nga pungsod para manghatag sang bulig.
Kalakip sa mga bulig nga gindul-ong sang Presidente sa Antique amo ang pondo nga tag-P10,000 nga presidential assistance sa manunguma kag manugpangisda nga benepisyaryo magluwas pa sa bulig nga ginahatag sang iban nga mga ahensya.
Ginpasiguro sang Presidente nga madamo pa ini nga bisitahon nga lugar kag wala sang rehiyon kag sektor nga indi mabuligan.
