TENNESSEE – Ginbisitahan ni US President Donald Trump ang mga nagkalaguba nga kabalayan sa Nashville, Tennessee matapos nag-igo ang mabaskog nga buhawi.
Ginbisita man ni Trump ang Putnam County sa diin nagkalaguba ang halos 2 ka milya nga dalan kag nagbilin sang 18 ka mga patay lakip na ang lima ka mga kabataan samtang linibo naman ang yara sa kritikal nga kondisyon.
Gin abi-abi naman nanday Tennesse Gov. Bill Lee, US Sen. Marsha Blackburn kag iban pa nga matag-as nga opisyal si President Trump sa iya pagbisita sa Tenneessee.
Nakigkita man si Trump sa survivors kag volunteers sa isa ka simbahan kag naghatag sang emergency supplies, tubig kag mga panapton.
Nahibaluan nga naglab-ot na sa 24 ka tawo ang napatay bangud sa buhawi.
