CHINA – Ginpasalamatan ni Chinese President Xi Jinping paagi sa isa ka sulat ang Bill & Melinda Gates Foundation bangud sa kaalwan kag suporta agud nga matapna ang paglapta sang Coronavirus Disease 2019.
Ini matapos nga nagpalab-ot sang bulig nga $100 million ang Bill and Melinda Gates Foundation sa China para sa global response sa outbreak.
Suno kay Xi, tuman ang iya pagpasalamat sa kaalwan sang nasambit nga organisasyon.
Suno naman sa nasambit nga foundation, pagagamiton ang nasambit nga pondo agud mapasangkad ang monitoring, isolation kag treatment efforts lakip na ang pagdevelop sang vaccine kag diagnostics para sa nasambit nga virus.
Magapalab-ot man sang $20 million nga bulig ang nasambit nga foundation sa World Health Organization, US Centers for Disease Control and Protection, National Health Commission of China kag Chinese Center for Disease Control and Prevention.
