Ginmanduan ni Presidente Rodrigo Duterte ang Department of Budget and Management nga padasigon ang pag-release sang funds para sa disaster relief sa mga tuman nga naapektuhan sang bagyo.
Suno kay Duterte, nagakadapat nga gilayon nga maghulag ang ahensya agud mapanagtag ang bulig sa mga local government unit bangud madamo ang nagakinahanglan nga pumuluyo.
Ginpahayag naman ni Department of Budget and Management Assistant Secretary Kim Robert de Leon, nga ginauna na sang ahensya ang pagrelease sang National Disaster Risk Reduction and Management Fund kag ini ang mahatag sa sulod sang isa ka semana.
Nahibaluan nga bag-o magkadto si Presidente Duterte sa Camarines Sur para sa press briefing, naghapit ini sa probinsya sang Cagayan nga nag-antos man sang tuman nga pagbaha bangud sa paglaslas ni bagyo Ulysses.
