Ginpangalanan ni Presidente Rodrigo Duterta ang apat ka mga bag-o magapungko Associate Justices of the Court of Appeals (CA) kag isa ka Associate Justice of the Court of Tax Appeals (CTA).
Ginpirmahan ni Presidente Duterte ang nasambit nga appointment papers sang mga bag-o nga myembro sang CA nga ginalakipan nanday Manila Regional Trial Court (RTC) Judge Alfredo Ampuan; San Mateo, Rizal RTC Judge Lily Joy Biton; Makati City RTC Judge Carlito Calpatura; and Quezon City RTC Judge Angelene Mary Quimpo-Sale.
Ginpangalanan man nga magapungko na bag-o nga Associate Justice of the Court of Tax Appeals si Manila Judge Jean Marie Bacorro-Villena.
Ang iban pa nga magapungko amo sanday Felino Castro, Assistant Secretary of the Department of Information and Communications Technology kag Ma. Minerva Paez-Collanters, Commissioner nga magatiglawas sang employer’s sector sang National Labor Relations Commissions.
