Presidente Duterte, nagpaandam nga ihaboy niya ang mga basura sa dagat sang Canada sa tion nga indi pa makuha ang basura sa Pilipinas

Nagpaandam sa liwat si Presidente Rodrigo Duterte sa pungsod Canada nga kuhaon na ang basura nga gindala diri sa Pilipinas.

Suno kay Duterte, sa tion nga indi pa makuha sang Canada ang mga basura sa Pilipinas sini nga semana, siya na mismo ang mahaboy sini sa dagat sang Canada.

Liwat man niya nga ginpahayag nga indi basurahan ang Pilipinas.

Una na nga nagpanawagan ang Presidente sang nakaligad nga semana sa Canada nga kuhaon na ang mga basura ukon ma deklarar siya sang gyerna batuk sa nasambit nga pungsod.

Nagpasalig man ang Canada nga kuhaon ang nmga basura sa Pilipinas.

Nahibaluan nga natukiban sang Philippine customs authorities ang mga containers sang basura gikan sa Canada.