MALACAÑANG – Bukas ang gobyerno sang Pilipinas nga utdon ang diplomatic ties sini sa Iceland bangud sa pagpasa sa United Nations Human Rights Council sang resolusyon nga nagahingyo nga imbestigahan ang anti-drug war sa pungsod.
Ang Iceland kag 17 kag iban pa nga mga pungsod ang nagpabor sa resolusyon sang Iceland samtang 14 ang wala nagpabor lakip ang China, 15 ang nag-abstain lakip ang Japan.
Suno kay Presidential spokesman Atty. Salvador Panelo, ginahilabtan sang Iceland ang soberanya sang Pilipinas.
Dugang pa sang natungdan, nakadepende na sa desisyon nanday Department of Foreign Affairs Sec. Teodoro Locsin Jr kag Presidente Rodrigo Duterte kun utdon na ang relasyon sa tunga sang Pilipinas kag Iceland.
Apang ginpahayag mismo sang Presidente nga seryoso siya sa iya mangin desisyon.
Una na nga ginpahayag ni Duterte nga indi maintindihan sang Iceland nga may yara sang problema sa droga ang Pilipinas bangud wala man sang crime problem ang Iceland.
