ILOILO CITY – Gin-enganyo ni Presidente Ferdinand Marcos, Jr. ang mga Pilipino nga magbayad sang insakto nga buwis agud nga makabulig sa pagpabangon sang ekonomiya sang pungsod.
Sa launching sang 2023 National Tax Campaign Kickoff sang Bureau of Internal Revenue, ginpahayag ni Marcos nga nagapati ini nga magapadayon ang pag-kooperar, pag-collaborate kag pag-coordinate sang publiko sa gobyerno may kaangtanan sa kun paano mapa-ayo ang eksperyensya sa tax collection system sang pungsod.
Gindayaw man sang presidente ang programa sang Bureau of Internal Revenue nga modernization sang mga serbisyo kag sa pagpanami pa sang eksperyensya sang mga tawo pinaagi sa paggamit sang reliable kag sustainable technologies kag infrastructure para sa tax collection.
Una na nga ginpahayag sang human rights kag Martial law victims group nga Campaign Against the Return of the Marcoses and Martial Law nga kun seryoso gid man ang ahensya sa pagpanglagas sa mga tax evaders, dapat nga lagson ang presidente kag ang iya pamilya pinaagi sa pagpatuman sang ruling sang Supreme Court sa Marcos estate.
Sang December 2021, nagpasa sang demand letter ang Bureau of Internal Revenue sa mga Marcoses nga bayaran nila ang estate tax dues nga nagtimbuok pa sa P203 billion nagikan sa P23 billion sang 1997.
Si Marcos Jr. kag ang iya iloy nga si Imelda ang mga co-administrators sang estate nga ginbilin sang amay nga Marcos nga napatay sa Hawaii sang Septyembre 29, 1989.
Sa desisyon sang Supreme Court, ang P23 billion nga estate tax sang Marso 1999 ang “final and executory”.
Sang Abril, ang iya anay spokesperson ang nagpahayag nga ang kaso ang nasolbar na kag mangin ang Supreme Court ang nag-isyu sang final ruling pila ka dekada na ang nakaligad.
