ILOILO CITY – Ginpa-anggid ni President Ferdinand Marcos Jr. ang iya una nga semana bilang chief executive sa iya amay nga si former President Ferdinand E. Marcos Sr.
Suno sa presidente, daw kaangay nga ginatan-aw niya ang iya amay nga nagatrabaho sang ini ang presidente pa kag nagapatigayon sang mga pagsinapol kag naga-administer sang mga oath takings.
Sang nagligad nga semana, nagpatigayon sang pinakauna nga Cabinet meeting ang presidente.
Pila sa mga butang nga ginhambalan amo ang pagsolbar sang nagatimbuok nga presyo sang gatung kag pagpabaskog pa sang food security.
Suno pa sa presidente, padayon ang pag-appoint san mga lideres sa tagsa ka departamento kag ahensya kag ang pagbaton sang mga courtesy calls sang mga bisita kag sang mga mataas nga lideres sa nagkalain-lain nga pungsod.
Sa karon, naga-amat amat na ayo ang kondisyon sang presidente matapos nga nagpositibo ini sa COVID-19 antigen test.
