Iloilo City – Magapadulong na subong nga adlaw si Presidente Ferdinand Marcos, Jr. sa Japan para sa iya apat ka adlaw nga “official working visit”.
Ang iya trip nga magadangat tubtob sa Pebrero 12 ang ikatatlo na nga foreign travel subong nga 2023 kag ika-siyam sa sulod sang pito ka bulan niya nga pagpungko bilang presidente.
Suno kay Department of Foreign Affairs Assistant Secretary for Asian and Pacific Affairs Neal Imperial, si Marcos ang magabisita sa Japan kasunod sang imbitasyon ni Japanese Prime Minister Fumio Kishida sang nagkit-anay ang mga ini sa sidelines sang United Nations General Assembly sa New York City sang nagligad nga tuig.
Ang Japan ang naga-isahanon nga pungsod nga may yara sang standing bilateral free trade agreement sa pungsod nga amo ang Japan Economic Partnership Agreement.
Ini man ang ikaduha sa pinakadako nga trading partner sang pungsod; third-largest export market; kag third-largest source sang exports.
Lakip sa mga maga-upod sa presidente amo sanday First Lady Liza Araneta-Marcos, former president kag Deputy Speaker Gloria Macapagal Arroyo, House Speaker kag presidential cousin Martin Romualdez, first-time delegate member Senate President Miguel Zubiri, Foreign Secretary Enrique Manalo, Finance Secretary Benjamin Diokno, Trade Secretary Alfredo Pascual, Energy Secretary Raphael Lotilla, Tourism Secretary Christina Frasco, Special Assistant to the President Anton Lagdameo, kag Communications Secretary Cheloy Garafil.
Maga-upod man ang “large business delegation” kun sa diin, nagdangat sa 150 ka mga indibidwal ang nag-signify.
Lakip sa mga aktibidad sang presidente amo ang bilateral meeting upod sa iya counterpart,working dinner sang mga top officials sang duha ka pungsod, kag pagpakigkita kay Emperor Naruhito kag Empress Michiko.
Sa tion sang working visit ni Presidente, at least pito ka mga bilateral agreements ang ginalauman nga pirmahan.
Ginalauman nga magadangat sa P150 billion ang makuha nga pledges sang Pilipinas nga maga-generate sang 8,000 ka mga trabaho para sa mga Filipinos.
Sa katapusan nga adlaw ni Marcos, makigkita ini sa Filipino community sa Tokyo.
Suno kay Bombo Josel Palma, International correspondent direkta sa Japan kag kabahin sang marshal sa event, 1, 350 lamang ka mga Filipinos nga naka-preregister na ang pahanugutan nga makasulod sa venue.
Ang venue ang wala ginsapubliko agud malikawan ang pagpugok sang madamo nga Filipino.
Ginpahayag dugang sang natungdan nga ginalikawan sang Japanese authorities ang mga pagtililipon bangud ara sa gihapon ang pagpamahog sang Coronavirus disease 2019.
Isa man sa mga rason amo nga agud malikawan nga masulit ang natabo kay former Prime Minister Shinzo Abe nga ginpatay sa isa ka rally.
Samtang, suno kay Bombo Josel Palma, gusto nila mabatian kay Marcos ang mangin programa sang gobyerno para sa ila nga mga overseas Filipino worker, kag ang pagpatukod sang puluy-an para sa mga distressed workers.
