Naangkon ni Presidente Ferdinand Marcos Jr. ang mas mataas nga trust kag satisfaction ratings suno sa pinakaulihi nga survey sang OCTA Research group nga ginpatigayon sang Hulyo 12 tubtob 17.
Suno sa OCTA, nagtaas sa 64 porsyento ang trust rating sang Presidente halin sa 60 porsyento sang Abril. Ang porsyento sang wala nagasalig sa iya nagnubo sa 20 porsyento gikan sa 23 porsyento, samtang ang mga undecided nagnubo man sa 16 porsyento gikan sa 18 porsyento.
Nagsaka man ang satisfaction rating ni Marcos sa 62 porsyento sang Hulyo gikan sa 59 porsyento sang Abril. Ang porsyento sang mga indi kuntento halos wala nagbago nga may 19 porsyento halin sa 20 porsyento.
samtang ang undecided nagnubo sa 18 porsyento gikan sa 20 porsyento.
Sa pihak nga bahin, si Bise Presidente Sara Duterte nakit-an sang OCTA nga may gamay nga pagnubo sa iya trust kag satisfaction ratings.
Ginpatigayon ang survey pila ka semana antes sang iya ika-apat nga State of the Nation Address (SONA) kag antes pa man ginpagwa sang Korte Suprema ang desisyon nga nagadeklara sang impeachment complaints batok sa iya nga unconstitutional.
