Wala ginaduso ni President Ferdinand ”Bongbong” Marcos Jr. ang impeachment trial ni Vice President Sara Duterte sa Senado.
Suno kay Palace Press Officer Undersecretary Atty. Claire Castro, wala sang ano man nga balita natuhoy sa pag-pursue sang Presidente sa impeachment ukon sa impeachment trial ni VP Sara.
Suno sa iya, wala man sang ano man nga statement ang presidente angot sa pagkumpiyansa para mapahalin sa puwesto ang Bise Presidente.
Sanday Marcos kag Duterte ang runningmates sang 2022 apang naglas-ay ang ila relasyon.
Gin-impeach si Duterte sang House of Representatives sang Pebrero kun sa diin masobra sa 200 ka mamalidha ang nag-endorso sang complaint batok sa iya.
Siya ang gin-akusaran sang betrayal of public trust, culpable violation of the Constitution, graft and corruption, kag iban nga high crimes.
Una na nagpagwa si Senate President Francis “Chiz” Escudero sang inisyal nga timetable para sa proseso sang impeachment trial of Duterte, kun sa diin gintalana ini sa Hulyo 30.
