Gin-adoptar sang Duterte administration ang 10-point policy agenda agud nga mapadasig kag ma-sustain ang economic recovery sang pungsod batok sa COVID-19 pandemic.
Ang Executive Order (EO) No. 166 nga ginpirmahan ni Presidente Rodrigo Duterte ang nagpasad sang COVID-19 recovery strategy sang pungsod base sa rekomendasyon sang economic development cluster nga amo ang mga masunod:
- pabaskugon ang healthcare capacity
- padasigon kag palapadon vaccination program
- dugang nga buksan ang ekonomiya kag palapadon pa ang public transport capacity
- ibalik ang face-to-face learning
- panubuan ang restrictions sa domestic travel kag standardize local government unit (LGU) requirements
- pahalugan ang requirements para sa international travel
- padasigon ang digital transformation pinaagi sa legislative measures
- paghatag sang enhanced kag flexible emergency measures pinaagi sa legislation
- Liwaton ang focus sang decision-making kag government reporting sa mas mapuslanon kag empowering metrics
- Medium-term preparation para sa pandemic resilience.
Suno sa pila ka mga opisyal sang gobyerno, ginasuguran naman sang Pilipinas ang pandemic exit plan.
Ginmanduan naman ni Duterte ang Inter-Agency Task Force (IATF) on Emerging Infectious Diseases and the National Task Force (NTF) Against COVID-19 nga siguraduhon nga ma-implementar ang 10-point policy.
