ILOILO CITY – Imbitaron ni outgoing Senate President Vicente Sotto III si President Rodrigo Duterte bilang isa sa mga opisyal sang Citizens’ Drug Watch (CDW) group nga natalana nga ibalik sa tion nga mag-retire na ang mga ini.
Ang CDW ang isa ka non-governmental organization nga ginporma ni late Senator Ernesto Herrera kun sa diin, nangin vice chairman si Sotto.
Ini ang nagabulig sa mga na-angot sa paggamit sang illigal nga droga kag sa mga naakusaran nga may kaangtanan sa illegal drug trade.
Suno kay Sotto, sang ila nga tyempo, sa tion nga may yara sang kaso sang droga sa korte, ginabantayan sang grupo.
Nagatambong sila sa hearing kag sa trial sang mga drug trafficker.
Dugang pa ni Sotto, may yara sang mga gina-akusaran nga mahimo nga nadalahig lamang kag may yara man sang drug lord apang possession gid lamang ang kaso.
Si President-elect Ferdinand Marcos, Jr. ang nakahibalo na sa plano nga pag-revive sang CDW.
Sa bahin naman ni Presidente Rodrigo Duterte, nagaplano si Sotto nga magpakigkita sa tion nga sila ang indi na opisyal sang pungsod kag imbitaron nga mangin kabahin sang grupo.
Imbitaron ni Sotto si Duterte nga mangin kabahin sang board apang tanyagan man nga mangin honorary chairman.
