ILOILO CITY – Nangin mahinalungon kag nangin maayo ang pag-handle ni outgoing President Rodrigo Duterte sa maritime dispute sa West Philippine Sea.
Ini ang suno kay Presidential Communications Secretary Martin Andanar
Suno sa iya, ang relasyon sang China kag Pilipinas ang nabutang sa mas maayo nga platform kun ikumpara sang nagligad nga anum ka tuig.
Ini ang resulta sang wala untat nga pagpanindugan sa West Philippine Sea kun sa diin, iya liwat nga gin-mention nga ang 2016 arbitral award ang isa ka importante nga contribution sa international law partikular na ang 1982 UNCLOS nga wala sang may ginapaburan.
Suno kay Andanar, ang gobyerno ang nagpatigayon sang full implementation sang 2022 declaration sang conduct of parties sa West Philippine Sea nga nagasunod sa freedom of navigation kag over-flight, nag-exercise sang self restraint kag nagproteher sang marine environment nga nakabutang sa UNCLOS.
Ang Philippine Foreign Affairs Department ang una na nga nagpahayag nga ang DFA ang nag-file sang masobra sa 300 ka diplomatic protests batuk sa wala naga-untat nga illegal activities sang China sa West Philippine Sea.
Sang naglihad lang nga Hunyo 9 sang liwat nga nag-protesta ang DFA sa liwat nga pagbalik sang masobra sa 100 ka Chinese vessels sa Julian Felipe Reef sa West Philippine Sea.
Sang 2016, ang Permanent Court of Arbitration sa The Hague, Netherlands ang nag-deny sang claim sang China sa amo nga disputed waters nga wala naman ginsapak sang Beijing.
Ginpanginbulahan naman ni Andanar si Duterte sa pagpabaskog kag pagpadalom pa sang relasyon sa Pilipinas.
Nagpasalamat man ini sa China sa pagdonar sang bakuna sa tion sang COVID-19 pandemic.
