Natalana nga ipasa ni Presidente Rodrigo Duterte sa kongreso ang ika-pulo nga report may kaangtanan sa mga nahimuan sang gobyerno subong nga pandemic.
Lakip sa report ang upate sa ika-duha nga hugnat sang Social Amelioration Program.
Nahibaluan nga nakasaad sa ika-siyam nga report ni Presidente Duterte amo ang nagdangat na sa 17,458,076 nga mga benepesyaryo sang Social Amelioration Program ang nakabaton na sang ayuda.
Lakip man diri amo ang 83 ka mga opisyal kag indibidwal nga napasakaan na sang kaso bangud sa ginaalegar anomaliya sa pagpanagtag sang nasambit nga ayuda.
Samtang, P21.7 bilyon naman ka mga cash grants ang nakabaton na sang first tranche sang small business wage subsidy program sang gobyerno.
Ginalauman nga magahatag sang update si Presidente Duterte may kaangtanan sa kabilugan nga balor sang nagasto sang iya administrasyon nga gingamit sa pagsabat sa krisis nga ginapangatubang sang pungsod sa diin kabahin sini ang ginkuha sa realignment sang pondo sang executive department.
