ILOILO CITY – Pinal na ang desisyon ni Presidente Rodrigo Duterte nga indi pag-ipagwa sa publiko ang mga pangalan sang mga artista nga ginaalegar na-angot sa iligal nga droga.
Ini ang kadugangan sang pagbisita sang Presidente sa syudad sang Iloilo agud magtambong sa 25th National Federation of Motorcycle Clubs in the Philippines sa Iloilo Convention Center.
Suno kay Duterte, iya na lang hulaton ang mga ebidensya batuk sa mga yara sa listahan agud nga mapasakaan sang kaso.
Dugang pa sang natungdan, wala man nagapapili sa eleksyon ang mga artista nga na-angot sa iligal nga droga sa diin indi niya luyag nga pakahuy-an ang mga ini bangud sila ang lunsay sibilyan lamang.
Nahibaluan nga may yara sang kabug-osan nga 31 ka mga artista ang nalakip sa listahan may kaangtanan sa iligal nga droga.
