ILOILO CITY – Wala ginbaton ni outgoing President Rodrigo Duterte ang tanyag sang iya successor nga si President-elect Ferdinand “Bongbong” Marcos Jr. bilang drug czar.
Suno kay acting Palace spokesperson Martin Andanar, ang katapusan nga gintanyag kay Duterte amo ang mangin drug czar nga iya naman nga ginpamalibaran.
Nahibaluan nga sang Mayo, ginpahayag ni Marcos Jr. nga bukas siya nga mangin kabahin sang iya gabinete si Durterte bilang drug czar.
Suno sa incoming president, madugay na sila nga mag-abyanay sang amay sang iya running mate.
Ang drug war ni Presidente Rodrigo Duterte ang nagpatay sang madamo nga durugista kag subject sa imbestigasyon sang International Criminal Court (ICC) nga suspendido bangud sang request sang Philippine government.
