Wala pa sang may napilian si Presidente Rodrigo Duterte nga suportahan sa pagka-presidente sa palaabuton nga May 9, 2022 elections.
Sa iya Talk to the Nation, ginpahayag niya nga halos tanan nga mga kandidato para sa pagka-presidente, nagapangayo sa iya sang suporta.
Nagapati si Duterte nga makabulig sa isa ka kandidato ang iya endorsement, apang sa subong, gin-ako sang niya wala pa siya sang may naluyagan nga suportahan.
Dugang pa niya nga mabag-o lang ang iya desisyon kun may yara na siya sang nagakaigo nga rason nga suportahan ang isa ka kandidato.
Matandaan nga sang nagligad nga mga semana, maisog nga ginpahayag sang presidente nga ibuyagyag niya ang kandidato nga kurap kag indi nagakadapat nga pilion agud mangin presidente.
