Ginpangunahan sang presidente sang Iloilo Doctors’ Hospital Incorporated, ang pagbaton sang dose sang Sinovac COVID-19 Vaccine.
Ini ang kasunod sang pag-umpisa sang COVID-19 vaccination sa mga personnel sang nasambit nga hospital.
Sa interview sang Bombo Radyo kay Dr. Alejandro Emmanuel Rivera, Presidente sang Iloilo Doctors’ Hospital Incorporated, iya ginpahayag nga wala siya sang ano man nga nabatyagan matapos nagpabakuna.
Suno kay Rivera, masobra 400 ka medical personnel na sa ila ospital ang nagpabutyag nga magpabakuna.
Target naman sang ospital nga matapos ang pagbakuna sa sulod sang duha ka adlaw.
Ginpahayag sang doktor nga may mga personnel sila nga nagapamatok nga magpabakuna bangud man sa isyu sang brand sang COVID-19 Vaccine.
Apang suno kay Rivera, wala sila nagauntat sa pag-edukar sang ila mga personnel may kaangtanan sa COVID-19 Vaccination.
