ILOILO CITY – Ginpatpat sang legal counsel sang Deparment of Interior and Local Government (DILG) – VI ang mga responsibilidad sang presidente, bise-presidente kag senador.
Sa interview sang Bombo Radyo kay Atty. Junine Wednesday Java, iya ginpahayag nga tuman ka damo sang responsibilidad sang isa ka president bangud siya ang head sang executive department kag head of state.
Yari ang kabahin sang pila ka mga responsibilidad sang isa ka presidente:
*nagahimo sang mga issuances kaangay sang executive orders, administrative orders, proclamations, memorandum orders, memorandum circulars, kag general ukon special orders
*naga-appoint sang heads sang executive departments, ambassadors, military officials, members sang Judicial and Bar Council, members sang Supreme Court kag lower courts kag chairperson sang constitutional commissions kaangay sang Civil Service Commission, Commission on Elections, kag Commission on Audit
*Naga-appoint sang undersecretaries kag assistant secretaries kag executive departments
*Naga-appoint sang directors kag assistant directors sang bureaus, regional kag assistant regional directors, department service chiefs
*head sang National Security Council
*naga-supervise sang tanan nga local governments
*nagatindog bilang Commander-in-Chief sang Armed Forces of the Philippines
*mahimo nga magdeklarar sang martial law pinaagi sa approval sang Kongreso
*naga-issue sang pardon ukon remit fines
*nagakontrata sang foreign loans para sa pungsod nga may approval sang Monetary Board
*naga-certify sang legislative bill para sa public calamity ukon emergency
*nagahatag sang approval ukon naga-veto sang hagna sang kongreso
*naga-sumite sang budget of expenditures kag source sang financing sa Kongreso bilang basehan sang general appropriations bill
*maga-address sang Congress antes ang pagbukas sang regular session kag madamo pa
Ang bulanan nga sweldo sang presidente amo ang pinakamataas sa tanan nga opisyal sa pungsod nga nagdangat sa P423, 723
Samtang, ang bise-presidente ang masami nga ginatawag nga “spare tire” sang presidente.
Sa interview sang Bombo Radyo kay Atty. Junine Wednesday Java, legal counsel sang Deparment of Interior and Local Government (DILG) – VI, iya ginpahayag nga amo ang magabulos sa posisyon sang presidente sa tion nga mabakante ini.
Mahimo man ini nga mangin myembro sang gabinete sang presidente nga indi na kinahanglan ang kumpirmasyon sang Commission on Appointments.
Sa masunod nga admnistrasyon, ginbaton na ni presumptive vice president Sara Duterte-Carpio ang gintanyag sa iya bilang tiglikom sang Department of Education.
Ang bise presidente ang nagaserbe man nga executive member sang National Security Council.
Samtang, sa tion naman nga magbulos ang vice president sa ginbayaan nga posisyon sang presidente, mahimo siya nga mag-appoint sang mabulos nga bise presidente nga maga-agi sa approval sang Commission on Appointments.
Ang mga senador naman ang may yara sang importante nga papel ilabi na nga kinahanglanon sila sa pila ka mga responsibilidad sang presidente.
Sa interview sang Bombo Radyo kay Atty. Junine Wednesday Java, ang nagapanguna nga responsibilidad sang senador amo nga maghimo sang hagna, resolution, concurrent resolutions kag simple resolutions.
Sila man ang naga-debate sa ila tagsa ka komitiba sa tion sang plenary sessions, nagapatigayon sang inquiries in aid of legislation, naga-propose ukon naga-aprubar sang pondo pinaagi sa House of Representatives, naga-decide sa kaso sang impeachment, naga-deklarar sang state of war, nagapahanugot sa presidente nga mag-exercise sang power nga mag-deklarar sang national policy sa tion sang kinagamo kag national emergency, mahimo nga mag-revoke ukon mag-extend sang pag-proklamar sang presidente sang martial law, nagaduso sang amendments sang Constitution kag madamo pa.
