Ginpanginwala sang president sang Resource Employees Association of Iloilo City Hall nga gin-release ang mid-year bonus sang mga empleyado sang City Hall bangud nagahilapit ang 2025 midterm elections.
Ini kasunod man sang pagpaguwa sang sulat ni Mayor Jerry Trenas nga nagamando sa Department Heads nga i-preparar ang payroll sang mga empleyado bangud man sa pag-abot sang ila mid-year bonus.
Sa interview sang Bombo Radyo kay Vicente Balajadia, Presidente sang Resource Employees Association of Iloilo City Hall, iya ginpahayag nga ang tikang ang nakapag-it na sa memorandum circular no. 2017-2 sang Department of Budget and Management (DBM) nga nakasaad nga subong nga Mayo ipaguwa ang mid-year bonus.
Suno kay Balajadia, nagasunod lamang sila sa nakatalana sa pagsulundan uko sa layi.
Ginpahayag man sini nga ang tikang ang napasaran naman sa Kamara kag nakatalana nga ihatag sa mga empleyado sa indi maglapaw sa Mayo 15, 2025.
