ILOILO CITY – Ginpanginwala ni Presidential Assistant for the Visayas Jane Javellana nga siya ang ginhalinan sang pagsalangisag tuhoy sa pag-transport sang mga medical personnel nga magapidalom sa training sa Research Institute for Tropical Medicine sa Metro Manila.
Sa interview sang Bombo Radyo kay Javellana, iya ginpahayag nga wala niya ginlabugay ang isyu tuhoy sa natabo sang Marso 22 kun sa diin nadalahig ang pangalan nanday Iloilo City Lone District Rep. Jam Jam Baronda kag Iloilo 1st District Rep. Janette Garin.
Suno kay Javellana, wala sang name dropping ukon pagtinudlu-anay nga natabo kag handa siya nga maka-istorya sang personal si Garin agud nga maathagan ang tanan.
Ginpahayag ni Javellana nga wala niya ginpakitaan sang malain nga paminatasan si Garin antes pa man natigayon ang flight sang mga medical personnel kag indi man matuod nga siya ang nagpauntat sang flight sang eroplano ni Garin kun sa diin nakasakay ang duha lang ka medical technologist.
Sa pagkamatuod suno sa natungdan, wala siya sang may nabaton nga mensahe ukon koordinasyon gikan sa grupo ni Garin rason nga may yara sang pagtinudlu-anay nga nagakatabo.
Kaupod kun tani sang duha ka medical technologist sa pagsakay sa eroplano amo ang staff ni Baronda nga una na nga ginpanginwala sang mamalidha.
