Gintawag ni Partido Lakas ng Masa vice presidential candidate Professor Walden Bello nga “tuta” ni Davao City Mayor kag kaangay sini nga vice presidential candidate Sara Duterte-Caprio ang mga miyembro ng Davao City council matapos ini nga gindeklara nga persona non grata sa amo nga syudad.
Nahibaluan nga gindeklara si Bello bilang persona non grata matapos ang iya mga ginhaboy nga alegasyon nga ang syudad amo ang sentro sang drug trade sa southern Philippines.
Ang proposed resolution ang ginpirmaha ni City Councilor Danilo Dayanghir nga nagapahayag sang “malicious tirades” ni Bello agud nga i-discredit ang efforts kag commitment sang mga empleyado sang amo nga city government.
“Unconcerned kag unbothered” naman si Bello sa amo nga resolusyon nga suno sa iya desisyon sang “Davao elites.”
Gin-akusahan naman ni Bello ang kampo ni Davao City Mayor Sara Duterte nga amo ang nagapahipos sa iya pinaagi sa pagpamahog sa iya kabuhi bangud sa iya pag-expose sang mga major issues sa syudad sang Davao.
Nahibaluan nga nagapangatubang sang cyber libel complaints si Bello nga amo ang ginpasaka batok sa iya ni former Davao City chief information officer Jefry Tupas.
Magluwas sini, nauna naman nga gintawag ni Bello si Duterte nga “coward like Bongbong Marcos,” bangud sa indi sini pagtambung sa mga vice presidential debates.
Nahibaluan nga ginpahayag ni Sara Duterte Carpio nga plano sini nga indi magtambung sa mga debate sa 2022 elections.
